Zavodda praktik təlim

  • SpaceTV
  • 11 Oktyabr 2019 16:54

Səhər saatlarında FHN-nin 112 xidmətinə  paytaxtda  fəaliyyət göstərən zavodlardan  birində uçqun baş verdiyi məlumatı daxil oldu.Dərhal hadisə yerinə yanğınsöndürən briqadalar, xilasedicilər, polis və təcili yardım briqadaları cəlb olundu.Görüntülər paytaxtın Nərimanov rayonu Mir Cəlal küçəsi 15 ünvanında  yerləşən poladəritmə zavodunda fövqəladə hallar  zamanı hərəkətlər və təxliyə planına dair praktiki təlimdəndir. Zavod kollektivinin  fövqəladə hallara  hazırlığının yoxlanılması məqsədi ilə keçirilən təlimə  yanğın siqnalı ilə start verildi.  Təlim iki mərhələdə həyata keçirildi. Həyəcan siqnalı verilən kimi təlimata uyğun olaraq bütün zavod kollektivinə zavodun ərazisini  tərk etmək tapşırıldı. Öncə zavodun inzibati binasından 150 nəfər təhlükəsiz əraziyə təxliyə olundu. Daha sonra yanğınsöndürmə briqadaları qəza xilasetmə və digər təxirəsalınmaz işlərə başladı

Şərti yaralılara vətüstündən zəhərlənənlərə hadisə yerinə gələn təcili yardım briqadası ilkin tibbi yardım göstərdi. Yanğınsöndürənlər və xilasedicilər  təxliyə zamanı hadisə yerində  qalan insanları isə  belə xilas etdilər.

Təlimin sonunda zavod kollektivinə FHN-nin təlim rəhbərləri tərəfindən kompleks mülkü müdafiə təliminin təhlili aparılaraq  müvafiq tövsiyə və tapşırıqlar verildi.

RƏŞAD VƏKİLOĞLU SPACE TV

Paylaş

 Xəbəriniz olsun