Yollar keçilməz olub

  • SpaceTV
  • 4 Noyabr 2019 16:16

Yollar var ki, dünyada sayı hesabı çoxdur, bir yol da var ki, bu yolun yolçuları yollarının baxımsız və təmirsiz olmasından illərdir  əziyyət çəkir.Bura  hər  hansı  ucqar dağ kəndinin yolu deyil, görüntülər Sabunçu rayonu Ramana qəsəbəsi, Ramana südçülük sovxozundandır.

Qəsəbənin  məhəllədaxili yollarının  indiyə kimi torpaq  olması ilə yanaşı 296 saylı məktəbin yerləşdiyi Səməd Vurğun küçəsindəki yol da hazırda  tam yararsız vəziyyətə düşüb. Qəsəbənin  yollarının  asfaltlanması düz 16 il bundan öncə aparılıb. Sakinlər belə deyir.

Payız qış aylarında yollarda  gölməçələrin meydana gəlməsi bu yoldan istifadə edən bütün nəqliyyat vasitələrinin işinə əngəl olur. Hətta qəsəbəyə çağırılan təcili yardım və marşurut avtobusları da bu baxımsız yola girməkdən dəfələrlə imtina ediblər. Qəsəbədə kanalizasiya xəttinin olmaması da yolların dağılmasını tezləşdirib

5 minə yaxın qəsəbə sakininin yolsuzluq  problemiilə bağlı Ramana Bələdiyyəsi və qəsəbənin ərazi nümayəndəliyinə yollandıq. Bələdiyyə sədrinin müavini yolun təmir olunacağına dair bizə vəd versə də ərazi nümayəndəliyini qəsəbədə tapa bilmədik

İllərdir yollarının təmir olunacağını gözləyən qəsəbə sakinlərinin  bələdiyyə nümayəndəsinin dəfələrlə verdiyi vədin bu dəfə həqiqət olacağını  hələ bir müddət də gözləməyə yəqinki, səbrləri çatacaq.

RƏŞAD VƏKİLOĞLU SPACE TV

Paylaş

 Xəbəriniz olsun