Yeni su xətləri çəkilir – Video

  • SpaceTV
  • 24 Oktyabr 2019 15:27

Bakı şəhəri və ətraf qəsəbələrdə əhalinin içməli su təchizatının yaxşılaşdırılması  və kanalizasiya xəttlərinin yenilənməsi istiqamətində  layihələrin icrası davam etdirilir.

Layihə  ərazidə müşahidə edilən  torpaq sürüşmələrinin qarşısının alınması istiqamətində həyata keçirilir. Ərazidə içməli su təchizatı əhali tərəfindən kustar üsullarla  yaradılmış şəbəkələr hesabına aparıldı. Burada yaşayanlar içməli su ilə fasiləli rejimdə təmin edilirdi.

Ərazidə tullantı sularının axıdılmasında da problemlər yaranırdı. Çünki əksər hissələrdə kanalizasiya şəbəkəsi yox idi. Buna görə də tullantı suları açıq kanallara axıdılırdı. Bu da ərazidə torpaq sürüşmələrini sürətləndirirdi.  Əraziyə yeni  kanalizasiya xətləri də çəkiləcək.

Yeni kanalizasiya xəttlərinin çəkilməsi ilə tullantı sularının axıdılması təmin ediləcək.Ərazidə yaranan tullantı suları Salyan şossesində yeni tikilən daşıyıcı xəttə ötürülərək yaxınlıqdakı Bayıl-Bibiheybət-Lökbatan kollektoruna yönəldiləcək.

 İşlər tam yekunlaşdıqdan sonra 12 mindən insanın yaşadığı ərazidə içməli su təchizatı və kanalizasiya sistemi  yaxşılaşacaq. Onu da qeyd edək ki, hazırda Bibiheybət və 20-ci sahədə də içməli su  və kanalizasiya xəttləri yenilənir.

Orxan Şükür SPACE TV

Paylaş

 Xəbəriniz olsun