YAP-ın könüllüləri və Əmək və Əhalinin Sosial Müdafiəsi Nazirliyinin əməkdaşları ahıl vətəndaşlara sosial xidməti davam etdirirlər

  • SpaceTV
  • 24 Aprel 2020 15:22

Koronavirusa qarşı mübarizə tədbirlərinin gücləndirilməsi məqsədilə Azərbaycan Prezidenti İlham Əliyevin müvafiq Fərmanı ilə ölkəmizdə Koronavirusla Mübarizəyə Dəstək Fondunun yaradılması və bütün cəmiyyətimizin dövlətimizin başçısının təşəbbüsünə dəstək verməsi xalqın həmrəyliyinin və dövlətinə inamının göstəricisidir.

Yeni Azərbaycan Partiyasından (YAP) SPACE TV-a bildirilib ki, Prezident İlham Əliyevin çağırışına əsasən, karantin rejimi ilə əlaqədar olaraq YAP-ın könüllüləri Əmək və Əhalinin Sosial Müdafiəsi Nazirliyinin sosial işçiləri ilə birlikdə martın 27-dən tənhalara, ahıl vətəndaşlara yardım paylayır, onlara sosial xidmətlər göstərirlər.

Həmin tarixdən etibarən bu aksiyaya uyğun olaraq partiyanın könüllüləri və nazirliyin sosial işçiləri müntəzəm olaraq ahılları ziyarət edir, onları gündəlik lazım olan ərzaq və tibbi vasitələr ilə təmin edirlər. Öz növbəsində tənha, ahıl insanlar göstərilən qayğıya görə dövlətimizin başçısına minnətdarlıqlarını ifadə edirlər.

Xatırladaq ki, Nazirlər Kabineti yanında Operativ Qərargah tərəfindən martın 24-dən aprelin 20-dək ölkədə xüsusi karantin rejimi elan edildiyindən və bu tədbirlər çərçivəsində 65 yaşdan yuxarı şəxslərin evdən çıxması qadağan olunduğundan YAP-ın fəalları və könüllüləri bu qəbildən olan tənha yaşayan sakinlərə yardımlar edir, sosial xidmət göstərirlər.

Paylaş

 Xəbəriniz olsun