FHN-in psixoloqları karantin rejiminə görə əhaliyə pulsuz xidmət göstərir

  • SpaceTV
  • 14 Aprel 2020 17:44

Yanğın, qəza, uçqun və bir çox fövqəladə hallar zamanı çağrışlara cavab verən bu operatorlar artıq vətəndaşlara  pulsuz psixoloji yardım da göstərirlər. Fövqəladə Hallar Nazirliyində 112-çağri mərkəzinin psixoloq operatorları  koronavirus pandemiyası ilə bağlı karantin dövründə psixoloji problemlər yaşayan insanlara xidmət göstərmək üçün fəaliyyətə başlayıblar.

Aprel  ayının  8-dən  fəaliyyətə başlayan psixoloji xidmətin əməkdaşlarına  öncə nazirliyin mütəxxəsisləri tərəfindən təlim keçirilib,telefon rabitəsi vasitəsi ilə insanlara təcili psixoloji yardımın göstərilməsi qaydaları izah olunub. Xidmət 24 saat boyunca 12 psixoloqla  psixoloji köməyə ehtiyacı olan istənilən insana  lazimi konsultasiya və  köməklik göstərirlər.

Psixoloq Könül Əliyeva deyir ki,  karatin müddətində  daxil olan zənglərin əksəriyyəti iş həyatına öyrəşən insanların evdə qaldığı müddətdə gündəlik rejimini düzgün bölüşdürə bilməməsi,özünün və yaxınlarının virusa yoluxma  qorxusu, həmçinin ailə daxili münaqişələrin, eləcə də psixoloji problemi olan insanların indiki halda əlamətlərinin  kəskinləşməsi və bu  kimi 300-ə yaxın müraciət daxil olub.

Nazirliyin mütəxəssisinin sözlərinə görə, vətəndaşlar bu dönəmdə psixoloji və fizioloji imunitetlərini yüksək saxlamalıdırlar ki,karantin rejimi başa çatdıqdan sonra sosial fəaliyyətlərinə daha tez adaptasiya ola bilsinlər.

RƏŞAD VƏKİLOĞLU SPACE TV

Paylaş

 Xəbəriniz olsun