Ukrayna Prezidenti deputat toxunulmazlığının ləğvi barədə qanunu imzalayıb

  • SpaceTV
  • 12 Sentyabr 2019 11:23

Ukrayna Prezidenti Vladimir Zelenski xalq deputatlarının toxunulmazlığının ləğv olunması barədə qanunu imzalayıb.

Space TV Xarici mətbuata istinadən xəbər verir ki,  qanuna əsasən, Konstitusiyanın 80-ci maddəsi yeni redaksiyada verilir. Burada deputatlara toxunulmazlıq zəmanəti verilməsi, onların Ali Radanın razılığı olmadan cinayət məsuliyyətinə cəlb edilməsinə, saxlanmasına və ya həbs olunmasına qadağa qoyan müddəalar yer almayıb.

Konstitusiyanın 80-ci maddəsinə edilən digər düzəlişə əsasən, deputatlar təhqir və böhtana görə məsuliyyət istisna olmaqla, səsvermənin nəticələrinə və ya parlamentdə çıxışlarına görə hüquqi məsuliyyət daşımırlar.

Qanunun 2020-ci il yanvarın 1-dən qüvvəyə minəcəyi gözlənilir.

Paylaş

 Xəbəriniz olsun