UEFA “Qarabağ”ı cərimələyib

  • SpaceTV
  • 24 Avqust 2019 11:09

UEFA-nın Nəzarət, Etika və İntizam Komitəsi “Qarabağ”ı cərimələyib.

Space TV Avropa futbol qurumunun mətbuat xidmətinə istinadən xəbər verir ki, buna səbəb Ağdam təmsilçisinin iyulun 31-də “Dalğa Arena”da Çempionlar Liqasının II təsnifat mərhələsində İrlandiya “Dandolk”unu 3:0 hesabı ilə məğlub etdiyi oyunda baş verənlərdir.

Qurum qarşılaşmanın ikinci hissəsində meydana azarkeşin daxil olması və tribunalarda insidentin baş verməsinə görə “Qarabağ”a 20 min avro (38 min manat) məbləğində cərimə kəsib.

Qeyd edək ki, Çempionlar Liqasının III təsnifat mərhələsində Kipr APOEL-ini (2:1, 0:2) keçə bilməyən “Qarabağ” çıxışını Avropa Liqasında davam etdirir. Azərbaycan çempionu Şimali İrlandiyadakı ilk pley-off matçında “Linfild”ə 2:3 hesabı ilə uduzub. Cavab görüşü avqustun 29-da Tofiq Bəhramov adına Respublika stadionunda olacaq 

Paylaş

 Xəbəriniz olsun