Üç il müddətində azadlıqdan məhrum olanlarla nikahın pozulması qeydiyyata alınmayacaq

  • Space TV
  • 12 Sentyabr 2020 14:41

“Vətəndaşlıq vəziyyəti aktlarının dövlət qeydiyyatı Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2003-cü il 31 oktyabr tarixli 145 nömrəli Qərarında dəyişiklik edilib. 

Spacetv.az xəbər verir ki, bununla bağlı Baş nazir Əli Əsədov qərar imzalayıb. 

Dəyişiklikdən əvvəlki qərarda bildirilir ki, yetkinlik yaşına çatmayan ümumi uşaqlarının olmasından asılı olmayaraq ərin (arvadın) ərizəsi əsasında nikahın pozulması ər (arvad) cinayət törətməyə görə ən azı 3 il müddətində azadlıqdan məhrum olunduqda Qeydiyyat şöbəsi və konsulluq idarəsi tərəfindən aparılır.

Dəyişikliyə əsasən, bu bənd qərardan çıxarılıb. 

Digər dəyişikliyə görə, bundan sonra cinayət törətməyə görə ən azı 3 il müddətinə azadlıqdan məhrum olunan şəxslə nikahın pozulması haqqında ər-arvaddan birinin ərizəsinə əsasən nikahın pozulmasının dövlət qeydiyyatı aparılmayacaq. 

Qeyd edilən dəyişikliyə əsasən vətəndaşlıq vəziyyəti aktlarının dövlət qeydiyyatı üçün dövlət rüsumunun tutulmalı olan hərəkətlər dövlət rüsumundan azaddır.

Paylaş

 Xəbəriniz olsun