Ticarət mərkəzləri və bazarlarda dezinfeksiya olunur

  • SpaceTV
  • 18 Mart 2020 12:09

Koronovirus  infeksiyasının ölkə ərazisində yarada biləcəyi təhlükənin qarşısının alınması məqsədilə təxirəsalınmaz tədbirlər davam etdirilir.Bakı şəhərində bu xəstəliyə yoluxma hallarına yol verilməməsi və onun qarşısının alınması, bu sahədə aparılan müvafiq proflaktik tədbirlərin effektivliyinin yüksəldilməsi məqsədi ilə Bakı şəhər icra hakimiyyəti tərəfindən xüsusi tədbirlər görülür.

Nazirlər Kabinetinin müvaqif qərarından sonra koronovirus infeksiyasına görə fəaliyyətləri müəyyən məhdidiyyətlə nizamlanan  iaşə,ticarət müəssisələrdə də dezinfeksiya işlərinə başlanılıb.Bu gün isə paytaxtın Nizami rayonunda fəaliyyət göstərən 8-ci kilometr bazarında da dezinfeksiya işləri icra olundu

Çəkliş apardığımız müddətdəbazarın bütün giriş və çıxışlarında spirtlə dolu qabların qoyulduğunun şahidi olduq ki,həmin tibbi məhsullardan təkcə bazar işçiləri deyil həmçinin   alış-veriş üçün bura üz tutanlarda əllərini dezinfeksiya edirdilər

Dezinfeksiya şirkətinin nümayəndəsi bildirir ki, bazar və ticarət mərkəzləri ilə yanaşı restoran kafelər,şadlıq sarayları, marketlər hətta apteklərdə  dezinfeksiya işlərinin  aparılması üçün sifariş alırlar.Ancaq bəzi obyekt sahibləri dezinfeksiya işlərinin gündüz saatlarında aparılamasına razılıq vermədiyi üçün hətta müəyyən çətinliklərlə qarşılaşırlar.

Onuda bildirək ki, Nazirlər Kabinetinin tapşırığına əsasən bütün dövlət müəssisələrində olduğu kimi  özəl obyektlərdə də  dezinfeksiya işlərinin aparılması məcburidir.

RƏŞAD VƏKİLOĞLU SPACE TV

Paylaş

 Xəbəriniz olsun