Teatrda tamaşa zamanı bədbəxt hadisə: Akrobatlar on metr yüksəklikdən yıxıldılar

  • Space TV
  • 4 Yanvar 2020 13:02

Niderlandın paytaxtı Amsterdamda rus akrobatlar şou göstərən zaman bədbəxt hadisə baş verib.

Vesti.ru-nun xəbərinə görə, “Karre” teatrında “Dünya milad sirki”-nin tamaşası zamanı iki rus akrobat on metr yüksəklikdən yıxılıb.

Tamaşanın prodüseri Henk van der Meyden bildirib ki, “Səma mələkləri”ni ifa edən cütlük qoruyucu kəmərlərdən istifadə etməyib.

Akrobatlar dərhal xəstəxanaya yerləşdiriliblər. Həkimlərin dediyinə görə, onlardan birinin vəziyyəti ağırdır.

Hadisədən sonra tamaşa təxirə salınıb və tamaşaçılar zaldan çıxarılıb.

Müvafiq qurumlar hadisə ilə bağlı araşdırmaya başlayıb.

Paylaş

 Xəbəriniz olsun