Sumqayıt bulvarı genişləndirilir

  • SpaceTV
  • 27 Sentyabr 2019 15:04

  4,2 kilometr uzunluğu,  106  hektar sahəsi olan bulvar kompleksi bu gün şəhər sakinlərinin ən çox ziyarət etdiyi məkanlardan biridir. Hazırda bulvar ərazisinin genişləndirilməsi işləri həyata keçirilir. Qısa müddətdə bulvarın uzunluğu daha bir kilometr uzadılaraq şəhər sakinlərinin ixtiyarına veriləcək. Genişləndirilən ərazidə 40 min kvadratmetr gəzinti zolağı, 16 metr enində yol və yaşıllıq zolağı salınacaq. Hazırda ərazidə yeni yolun salınması işləri sürətlə davam edir. Artıq asfaltlanma işlərinə başlanılıb. Həmin  yol  şəhərin Səməd Vurğun küçəsinə birləşdiriləcək.

Ərazidə  uşaq əyləncə  mərkəzlərinin, müxtəlif attraksionların, fəvvarənin quraşdırılması nəzərdə tutulub. Yeni  ərazidə  restoranlar tikiləcək, çimərlik zonası salınacaq, 300-ədək istirahət otağı inşa ediləcək. Sumqayıt  bulvarı  və dənizkənarı parkı həm ərazisinə, həm də landşaftına görə ölkəmizdə mövcud olan əksər parklardan seçilir. Bu  parkın çimərliyə birbaşa çıxışının olması onu digər bulvarlardan fərqləndirir. Ümumilikdə,  bulvar ərazisinin genişlənməsi işləri noyabr ayında 70 illik yubiley ərəfəsində başa çatacaq.

Tural Şahinoğlu Space

Paylaş

 Xəbəriniz olsun