Sərnişinlər hansı halda cərimə olunacaq

  • Space TV
  • 5 May 2020 17:00

Son aylarəgər bir çoxları üçün maska taxmaq, spirtdən istifadə gündəlik həyat tərzinə çevrilibsə, karantin müddəti olmasına baxmayaraq işə gedən, küçəyə çıxan, daha çox da ictimai nəqliyyatdan istifadə edən bəzi şəxslər maska taxmağa daha ehtiyac olmadığını düşünürlər.

Sərnişin avtobuslarının sürücüləri də gün ərzində yüzlərlə sərnişinlə təmasda olur və  maska taxmadan sükan arxasında əyləşən  bu sürücülər həm özlərinin, həm də yüzlərlə  sərnişinin sağlamlığını təhlükə altına atırlar. Bəs nəyə görə, Bakı  Nəqliyyat  Agentliyi daşıyıcı şirkətlərin bu qaydalara məhəl qoymamasına göz yumur?

Ötən gün Operativ Qərargahda jurnalistlərin sullarını cavablandıran BNA-nin direktoru Vüsal Kərimli bildirib ki, koronovirus infeksiyasının geniş yayılmasının qarşısının alınması məqsədi ilə ictimai nəqliyyatda  daha bir yenilik tətbiq olunacaq,  sürücü və sərnişinlər arasında səffaf sədlərin çəkilməsi nəzərdə tutulur.

Vüsal Kərimlinin sözlərinə görə yaxın vaxtlarda avtobuslardan istifadə edən sərnişinlərin maska taxması məcburi olacaq. Artıq bu yenilik  üzrə mexanizmlər hazırlanaraq Operativ Qərargaha da təqdim olunub

Məlum olduğu kimi bu günə qədər insanların maska istifadə etmədən küçəyə çıxmasına görə heç bir cərimə mexanizmi tətbiq olunmamışdı.

RƏŞAD VƏKİLOĞLU SPACE TV

Paylaş

 Xəbəriniz olsun