Şəhidlər unudulmur – FOTO

  • SpaceTV
  • 13 Avqust 2019 13:54

Space.TV-Azərbaycan qəhrəmanlar yurdu, igidlər məskənidir. Vətənin müqəddəsliyi öz millətini, yurdunu, elini, obasını sevən hər bir insan üçün əsas amal və arzudur. Məhz elə vətəni sevən oğullar onun ərazi bütövlüyü uğrunda canından keçir, qəhrəmanlıq göstərir, şəhidlik zirvəsinə ucalır. Ötən gün Ağsuda  şəhid  Rüfət Fətəlizadənin  anım  günü  keçirilib.

Rüfət Fətəlizadə 1995-ci  il  fevralın  17-də Ağsu  rayonunun  Padar  kəndində anadan  olub. Uşaq  yaşlarından  boks ilə məşğul  olub  və yaşadığı Rusiyada  keçirilən  yarışlarda  dəfələrlə  qalib  gələrək Azərbaycan  bayrağını  yüksəklərə  qaldırıb. O, 2014-cü  ilin yanvar  ayından vətənin müdafiəsinə yollanıb. Rüfət 8 ay ön  cəbhədə  xidmət  göstərib. 2014-ci avqustun 9-da cəbhənin Tovuz  rayonu  istiqamətində,  Azərbaycan-Ermənistan  qoşunlarının  təmas  xəttində  döyüş  tapşırığını  yerinə   yetirərkən  düşmən  tərəfindən  açılan  atəş nəticəsində  şəhid  olub.  Düşmənin  həmləsini  dəf  edərkən  qəhrəmancasına   şəhid  olan  əsgər  Rüfət  Fətəlizadə,  Müdafiə  naziri  general-polkovnik  Zakir  Həsənovun  əmri  ilə  ölümündən  sonra  “Hərbi xidmətdə  fərqlənməyə  görə”  3-cü  dərəcəli  medal  ilə  təltif  edilib.

 Şəhidin böyüyüb boya başa çatdığı Padar kəndində onun şərəfinə bulaq inşa olunub və onun yaşadığı evdə şəhidin ev muzeyi yaradılaraq ziyarətçilərin istifadəsinə verilib.

Vahid   Fəxri –  Ağsu

Paylaş

 Xəbəriniz olsun