Şəhid ailələrinə mənzil verildi

  • SpaceTV
  • 20 Sentyabr 2019 11:29

Adıgözəlovlar  ailəsi bu günün  sevinci bir ömür yaşayacaqlar.  20 ildir ki, ev intizarında olan ailəyə  bu  gün  məznil  bağışlandı. Bu  sevinci yaşayan  64  ailədən  biri , 1-ci  Qarabağ  müharibəsində iştirak etmiş Nəsimi Adıgözəlov  bu günkü   hüzuru həyatının ən yadda qalan anı hesab edir.

Əmək və Əhalinin Sosial Müdafiəsi Nazirliyi tərəfindən Abşeron rayonunun Saray qəsəbəsində 20, Digah qəsəbəsində 12, “Göy Qurşağı” kompleksində 22,  Binəqədi rayonu “Gənclər şəhərciyi” kompleksində 9,  Astara rayonunda isə 1 mənzil,  ümumilikdə isə yaşayış binalarından alınmış 64 mənzil şəhid ailələrinə və Qarabağ müharibəsi əlillərinə təqdim edilib.

Öncə Saray qəsəbəsində mənzillər püşkatma yolu  ilə ailələr  arasında bölünüdü. Ailə  üzvlərinin  sayına  uyğun  olaraq, təqdim  edilən  mənzillərin  14-ü  üçotaqlı , altısı isə  2 otaqlıdır.

Nazir müavini   Vüsal Nəsirli bildirdi ki, cari ilin 8 ayı ərzində  müharibə əlilləri və şəhid ailələrinin ümumilikdə 110  mənzil verilib. Bu ilin sonuna kimi isə bu mənzillərin sayı 800-ə çatdırılıacaq

Vüsal Nəsirlinin sözlərinə görə, nazirlik tərəfindən şəhid ailələrinə və müharibə əlillərinə 6828 mənzil təqdim edilib.

Rəşad Vəkiloğlu

Paylaş

 Xəbəriniz olsun