Rusiya helikopterləri Qarabağda sülhməramlı əməliyyatlarda istifadə ediləcək

  • Space TV
  • 12 Noyabr 2020 10:19

Rusiya Hərbi Hava Qüvvələrinə məxsus Mi-8 və Mi-4 helikopterləri Qarabağdakı münaqişə zonasında hərbi əməliyyatların dayandırılmasına nəzarət edəcək.

Spacetv.az TASS-a istinadən xəbər verir ki, bununla bağlı Rusiya Müdafiə Nazirliyi məlumat yayıb. 

“Helikopterlər Dağlıq Qarabağ münaqişəsi zonasında atəşkəs və hərbi əməliyyatlara nəzarət bölgələrinin hava monitorinqini həyata keçirmək üçün sülhməramlı əməliyyatlara cəlb ediləcəklər”, – məlumatda bildirilib. 

Müdafiə Nazirliyindən qeyd edilib ki, helikopterlər maddi-texniki avadanlıqların və sülhməramlı kontingentin şəxsi heyətinin çətin relyefi olan ərazilərə çatdırılmasında da iştirak edəcək.

Xatırladaq ki,  noyabrın 10-da Dağlıq Qarabağda hərbi əməliyyatların dayandırılması ilə bağlı Azərbaycan Prezidenti İlham Əliyev, Rusiya dövlət başçısı Vladimir Putin və Ermənistan baş naziri Nikol Paşinyan birgə bəyanat imzalayıblar. 

Paylaş

 Xəbəriniz olsun