Rusiya Azərbaycandan pomidor və alma idxalını qadağan edir

  • Space TV
  • 9 Dekabr 2020 11:17

“Rosselxoznadzor” (Rusiya Federasiyasının Baytarlıq və Fitosanitar Nəzarət üzrə Federal Xidməti) məhsulların tərkibində zərərvericilərin aşkarlanması səbəbilə dekabrın 10-dan etibarən Azərbaycandan pomidor və alma idxalını qadağan edib.

Spacetv.az xəbər verir ki, bu barədə TASS qurumun rəsmi saytına istinadən məlumat yayıb.

“Təkcə 22 oktyabrdan indiyə qədər mütəxəssilər 17 dəfə Avrasiya İqtisadi Birliyi üçün karantin hesab edilən cənubi amerika pomidor güvəsi və şərq güvəsi aşkar ediblər. Bununla bağlı fitosanitar vəziyyəti mühafizə etmək üçün göstərilən malların dekabrın 10-da Rusiyaya idxalı qadağan olunur”, – deyə qurumdan bildirilib.

Paylaş

 Xəbəriniz olsun