Ruhanidən təyyarənin “səhvən” vurulması etirafından sonra İLK AÇIQLAMA

  • Space TV
  • 11 Yanvar 2020 10:37

İran Prezidenti Həsən Ruhani Tehranda qəzaya uğrayan təyyarənin vurulmasında əli olan günahkarları məsuliyyətə cəlb edəcəyinə söz verib.

İran prezidenti bu “böyük faciə” və “bağışlanılmaz səhv”in şərtləri açıqlanmayana qədər istintaqın davam edəcəyini deyib.

TASS-ın xəbərinə görə, İran Tehran yaxınlığında Ukraynaya məxsus təyyarənin səhvən vurulmasından təəssüfləndiyini bildirib.

Qeyd edilir ki, bu gün səhər İran Silahlı Qüvvələri Baş Qərargahı Ukrayna Beynəlxalq Hava Yollarına məxsus təyyarənin “insan səhvinə görə” vurulduğunu açıqlayıb.

Bildirilir ki, təyyarə İslam İnqilabı Keşikçiləri Korpusunun (İran Silahlı Qüvvələrinin elit bölmələri) vacib hərbi obyektlərindən birinə yaxın olub, eyni zamanda, uçuşun forma və hündürlüyünə görə “düşmən obyektinə bənzəyib”.

Paylaş

 Xəbəriniz olsun