Qırğızıstanda müxalif partiyaların PLANLARI

  • Space TV
  • 6 Oktyabr 2020 10:39

Qırğızıstanda son parlament seçkilərində məğlub olan müxalif siyasi partiyalar gələcək planlarını paylaşıblar.

Bu barədə Spacetv.az “İnterfaks”a istinadən xəbər verir.

“Ata-Məkan” partiyasının lideri Janar Akayev mitinqdə çıxış edərək köhnəni əvəzləmək və yeni baş nazir təyin etmək üçün “xalq” hökuməti qurmaq niyyətində olduğunu bildirib. Partiyanın vəzifəsi yeni “təmiz və şəffaf” seçkilər keçirmək olacaq.

“Ata-Məkan”ın namizədi Tilek Toktoqaziyev qeyd edib ki, “üç hökumət yönlü partiyanın (“Birimdik”, “Məkanım Qırğızıstan” və “Qırğızıstan”) hökumətə buraxılmaması lazımdır və bunların üzvləri gələcəkdə heç bir vəzifə tutmamalıdırlar.

Bundan əlavə, müxalifət Bişkek komendantını təyin etmək niyyətindədir. Eyni zamanda, sosial şəbəkələr vasitəsi ilə küçələrdə polis olmadığından asayişin pozulmaması üçün xalq dostluğu formalaşdırmağa başlayıblar.

Qeyd edək ki, dünən Qırğızıstanda parlament seçkilərinin nəticələrindən narazılıq nümayişləri başlayıb. Axşam saatlarında Bişkekdə etirazlar iğtişaşlar və polislə toqquşmalarla nəticələnib.

5 Oktyabr günortadan sonra seçkilərə qatılan 16 partiyadan 11-i parlament seçkilərinin nəticələrinin tanınmamasına dair bəyanat imzalayıblar. Ümumilikdə, Qırğızıstan parlamentinin yeni tərkibində 200 yer var. İlkin nəticələrə görə, dörd siyasi qüvvə seçki həddini keçib. “Birimdik” partiyası 46, “Məkanım Qırğızıstan” – 45, “Qırğızıstan” – 16 və “Bütün Qırğızıstan” – 13 mandat alacaq, heç kim konstitusiya çoxluğunu almadığı üçün koalisiyada birləşməyə məcburdurlar. Qırğızıstanın keçmiş hakim “Sosial Demokrat Partiyası” isə dağılıb.

Paylaş

 Xəbəriniz olsun