Qırğızıstan parlamenti baş nazirin namizədliyini təsdiqlədi

  • Space TV
  • 14 Oktyabr 2020 14:16

Qırğızıstan parlamentinin deputatları çərşənbə günü keçirilən fövqəladə iclasda ölkənin baş naziri vəzifəsinə Sadır Japarovun namizədliyini təsdiqləyiblər.

Spacetv.az xəbər verir ki, bu barədə TASS xəbər yayıb.

Parlament üzvləri yeni hökumətin strukturunu, proqramını və tərkibini yekdilliklə təsdiqləyiblər. Japarovun Nazirlər Kabinetinin əvvəlki tərkibini saxlamaq niyyəti barədə əvvəllər verdiyi açıqlamalara baxmayaraq, dəyişikliklər çox olub.

Qırğızıstan qanunvericiliyinə uyğun olaraq, ölkədə parlament seçkiləri keçirildikdən sonra hökumət avtomatik olaraq istefaya gedir. Buna görə də indi bir çox yerli siyasətçi respublikadakı yeni Nazirlər Kabinetini “texniki” adlandırır, çünki yaxın gələcəkdə respublikada ali qanunverici orqana təkrar seçkilər keçiriləcək.

Paylaş

 Xəbəriniz olsun