Qazimiz sosial ödənişlərlə və yüksək texnologiyalı protezlə təmin olunacaq

  • Space TV
  • 29 Yanvar 2021 15:17

Tarixi Zəfərimizin qəhrəmanlarından biri olan Kazımov Ziya Ağami oğlunun da sosial dəstəklə təmin olunması üçün işlər aparılır.

Bu barədə Əmək və Əhalinin Sosial Müdafiəsi Nazirliyindən məlumat verilib.

Bildirilib ki, Ziya Vətən müharibəsində ağır yaralanaraq sağ ayağını itirib. Bununla əlaqədar nazirlik tərəfindən ona yaxın günlərdə əlillik və aylıq sosial ödənişlər təyin olunacaq. Həmçinin əlillik dərəcəsinə uyğun məbləğdə birdəfəlik sığorta ödənişi veriləcək.

Qazinin yüksək texnologiyalı protezlə təmin edilməsi də qərara alınıb. Bu məqsədlə nazirliyin tabeliyindəki Dövlət Tibbi-Sosial Ekspertiza və Reabilitasiya Agentliyinin Protez-Ortopedik İstehsalat və Reabilitasiya Mərkəzində Ziyanın ilkin müayinəsi aparılıb, zəruri ölçülər götürülüb. Müəyyən hazırlıq müddətindən sonra o, yüksək texnologiyalı protezlə təmin ediləcək.

Paylaş

 Xəbəriniz olsun