Qar örtüyünün hündürlüyü Sarıbaşda 40, Şahdağda 39 santimetr olub – FAKTİKİ HAVA

  • Space TV
  • 18 Fevral 2021 10:59

Azərbaycanda müşahidə olunan faktiki hava açıqlanıb.

Ekologiya və Təbii Sərvətlər Nazirliyinin Milli Hidrometeorologiya Xidmətinin fevralın 18-i saat 10:00-a olan məlumatına əsasən, ölkə ərazisində hava şəraiti yağıntılı olub, qar yağıb, bəzi yerlərdə intensivləşib, güclü şimal-qərb küləyi əsib. 

Düşən yağıntının miqdarı Sarıbaşda (Qax) 42, Lənkəranda 38, Zaqatalada 33, Xınalıqda 28, Gədəbəydə 28, Balakəndə 27, Şəkidə 26, Daşkəsəndə 25, Qrızda 24, Ağstafada 23, Kişçayda (Şəki) 22, Astarada 20, Oğuzda 20, Gəncədə 18, Şahdağda 18, Şəmkirdə 16, Tovuzda 16, Qubada 16, Qəbələdə 15, Mingəçevirdə 14, Göygöldə 13, Ağdamda 11, Lerikdə, Göyçayda 10, Bərdə, Naftalanda 9, Şərurda 8, Zərdab, Yevlax, Şahbuzda 7, Tərtər, Ağdərə (Ordubad), Qusarda 6, Yardımlı, Beyləqan, Ceyrançöldə 5, Kürdəmir, Sədərək, Xaltan, Xaçmazda 4, Sabirabad, Altıağac, İsmayıllıda 3, Cəfərxan, Salyan, Hacıqabul, Ordubad, Ağsu, Mərəzədə 2, Salyan, Neftçala, Biləsuvar, Şabran, Nabran, Naxçıvan, Şamaxı, Bakı, Sumqayıt, Maştağa, Binə, Pirallahıda 1 mm-dək olub.

Qar örtüyünün hündürlüyü Sarıbaşda 40, Şahdağda 39, Daşkəsəndə 28, Gədəbəydə 24, Göygöldə 22, Kişçay, Tovuz,  Qrızda 10, Şəki, Oğuzda 9, Zaqatalada 6, Gəncədə 4, Quba, Xaltanda 3, Xınalıq, Şəmkir, Qusarda 2, Balakən, Altıağac, Mərəzə, Hacıqabul, Yardımlı, Qəbələdə 1 sm olub.

Qərb küləyinin sürəti Neftçalada 30, Naftalanda 28, Tərtərdə 25, Gəncədə 24, Biləsuvar, Salyanda 20, Şəmkirdə 19, Xaçmaz, Şəki, Hacıqabulda 16, Qum adasında 27, Neft Daşları, Bakıda 21, Pirallahı, Sumqayıt, Çilov adasında 20 m/s-dək güclənib.

Neft Daşları stansiyasının məlumatına əsasən, dalğanın hündürlüyü 4,8 metrə çatıb. 

Havanın temperaturu fevralın 17-də Bakıda iqlim normasından 1,5 dərəcə aşağı, havanın minimal temperaturu Bakıda və Abşeron yarımadasında 0-1 dərəcə şaxta, aran rayonlarında 1 dərəcə şaxtadan 3 dərəcəyədək isti, dağlıq rayonlarda 3-8, yüksək dağlıq ərazilərdə 10-14 dərəcə şaxta olub.

Paylaş

 Xəbəriniz olsun