Qanuni fəaliyyət göstərməyən “MKİS”-lər

  • SpaceTV
  • 21 Oktyabr 2019 16:59

Həyətlərin təmizlənməsi,məişət tullantılarının daşınması və mənzillərin kvadratına görə sakinlər hər ay Bakı şəhər icra hakimiyyətinin balansında olan Mənzil Təsərrüfat birliyi  və rayon icra hakimiyyətlərinin tabeliyində  olan Mənzil İstismar  Sahələrinə müəyyən məbləğdə vəsait ödəyirlər. Hazırda orta hesabla hər rayon icra hakimiyyətinə 40-a yaxın MKİS tabedir. Bəs bu qurumların fəaliyyəti nəyə görə vətəndaşları qane etmir?

Hələ 10 il öncə mənzillərin idarə edilməsi ilə bağlı həm mənzil qanunvericiliyinə, eyni zamanda digər qanunlara müvafiq dəyişiklik edilərək Mənzil Komunnal İstismar Sahələri hüquqi cəhətdən  ləğv olundu. Ancaq buna baxmayaraq hazırda MKİS –ri mövcudluqlarını  əvvəlki kimi olmasa da yenə də davam etdirirlər.

Bəs nədən bu qurumlar ləğv olunmalarına baxmayaraq , sakinlərdən mənzil haqqı və digər kommunal ödənişlər yığırlar, arayışlar verirlər. Ölkədə  Asan xidmət fəaliyyətə  başlayandan  az sonra MİKS-lərin bir neçə xidmət növü bu quruma təhvil verilib. Paytaxtda fəaliyyətləri sual altında olan bir neçə mikslərə baş çəkdik

Ancaq  buna baxmayaraq  bu qurumların alternativinə ehtiyac yarandığı üçün müasir təcrübəyə uyğun olaraq  Ədliyyə və İqtisadiyyat Nazirliyinin xətti ilə paytaxtda 100-dən artıq Mənzil Mülkiyyətçiləri Müştərək Cəmiyyətləri deyilən struktur yaradılıb.Həmçinin hazırda mənzil idarəetməsinin formalarının təkmilləşdirilməsi istiqamətində müxtəlif pilot layihələr həyata keçirilir ki, təssüflər olsun bu yeniliklər də çoxmənzilli binaların idarə olunmasında effektli variant olmadı.

İqtisadçı ekspert Rəşad Həsənov deyir ki, müasir dövr üçün mənzillərin idarə olunması ilə bağlı mexanizmlər fərqli olmalıdır. Hazırda çox kiçik maliyə vəsaiti hesabına bu qurumların fəaliyyətlərini davam etdirməsinin başlıca səbəbi ölkədə MİKs-lərin əvəzedicisinin olmamasıdır

Məlumat üçün bildirək ki, hazırda bir çox dünya ölkələrində mənzil fondunun idarə olunması bələdiyyələrin funksiyasına daxil olunub.

RƏŞAD VƏKİLOĞLU SPACE TV

Paylaş

 Xəbəriniz olsun