Qəbul imtahanlarına kimlərin buraxılmayacağı açıqlandı – RƏSMİ

  • SpaceTV
  • 1 İyun 2020 12:29

Dövlət İmtahan Mərkəzinin (DİM) Direktorlar Şurasının sədri Məleykə Abbaszadə ali və orta ixtisas məktəblərinə qəbul olmaq istəyən şəxslərə müraciət edib.

SPACE TV-ın məlumatına görə, o, buraxılış və qəbul imtahanları ilə bağlı keçirdiyi mətbuat konfransında deyib ki, elə şəxslər var ki, IX sinif buraxılış imtahanı verib, X sinifə keçmək istəyirlər:

“Onlar indi imtahanlarda iştirak edə bilməyəcək. Buraxılış imtahanlarında sentyabr ayında iştirak edə biləcəklər. Amma qəbul imtahanları yalnız bir dəfə olacaq. Mütləq ali və orta ixtisas məktəblərinə qəbul olmaq istəyən şəxs varsa, indi imtahanlarda iştirak etməlidir”.

Sədr qeyd edib ki, ailəsində koronavirusa yoluxan şəxslər olanlara sentyabrda buraxılış imtahanı vermək üçün şans yaradılacaq:

“Bu il onlar iştirak edə bilməyəcək. Çünki insanların sağlamlığı hər şeydən vacibdir”.

Paylaş

 Xəbəriniz olsun