Prezident İlham Əliyev Ermənistanın məhv edilmiş və qənimət kimi götürülmüş texnikasının bir hissəsinin siyahısını açıqlayıb

  • SpaceTV
  • 26 Oktyabr 2020 13:41

Prezident İlham Əliyev 27-si sentyabrdan bu günə qədər Ermənistanın məhv edilmiş və qənimət kimi götürülmüş texnikasının bir hissəsinin siyahısını açıqlayıb.

Spacetv.az-ın məlumatına görə, bunu Azərbaycan Prezidenti İlham Əliyev bu gün xalqa müraciətində deyib.

Dövlət başçısı bildirib ki, 252 tank məhv edilib, 53 tank qənimət kimi götürülüb: “Toplam 305 tankdan Ermənistan məhrum edilib. Amma hələ tankları var. Görün nə qədər tank olub onlarda? Piyadaların döyüş maşını 50-si məhv edilib, 29-u qənimət kimi götürülüb. 79 dənə. Müxtəlif çaplı toplar: 251-i məhv edilib, 24-ü qənimət kimi götürülüb. Minaatan 61-i məhv edilib, 45-i qənimət kimi götürülüb. Toplam 106. Toplar toplam 275. Tank əleyhinə vasitə: 53-ü məhv edilib. 82 “Qrad” qurğusu məhv edilib. “Uraqan” 2-si, “YARS” (Yaylım Atəşli Raket Sistemləri) 2-si, “TOS” 1-i məhv edilib. Zenit raket kompleksləri Tor 4-ü, OSA 40-a yaxını, KUB 4-ü, Kruq 1-ü, 2 ədəd S-125 qurğusu məhv edilib.

S-300 – ən bahalı qurğularından biri – 6-sı məhv edilib. 6 atıcı qurğusu məhv edilib. 1 aşkaretmə stansiyası, 1 lokator. Qiyməti bəllidir. Hər kəs hesablaya bilər. Əməliyyat taktiki raket kompleksləri “Elbrus” 2-si məhv edilib, “Toçka U” 1-i məhv edilib. 231 yük avtomobili məhv edilib, onlardan 20-si sursatı ilə. 173 yük avtomobili hərbi qənimət kimi götürülüb. Toplam 404 yük avtomobilindən biz düşməni məhrum etmişik”.

Paylaş

 Xəbəriniz olsun