Polietilen torbalar pulla satılacaq – QƏRAR

  • Space TV
  • 5 Fevral 2021 16:47

Baş nazir Əli Əsədov “Azərbaycan Respublikasında ticarət, ictimai iaşə, məişət və digər növ xidmət Qaydaları”nda dəyişiklik edilməsi haqqında qərar imzalayıb.

Spacetv.az xəbər verir ki, bununla bağlı Nazirlər Kabineti məlumat yayıb.

Dəyişikliyə əsasən, həmin qaydalara yeni bənd əlavə edilib.

Əlavə edilən bəndə əsasən, ticarət, ictimai iaşə, məişət və digər növ xidmətlərin göstərilməsi (işlərin görülməsi) zamanı istehlakçılar (alıcılar) tərəfindən malların və məhsulların daşınması üçün nəzərdə tutulan qalınlığı 15-50 mikron olan, qulplu və qulpsuz, yüngülçəkili polietilen torbalar istehlakçılara (alıcılara) ayrıca məhsul növü kimi təqdim edilməlidir. Bu növ məhsulların ayrıca təqdim edildiyi və satış qiyməti barədə istehlakçıya (alıcıya) əvvəlcədən məlumat verilməlidir.

Paylaş

 Xəbəriniz olsun