Paytaxtda binaların dam örtüyü yenilənir

  • SpaceTV
  • 22 Oktyabr 2019 16:40

Öncə paytaxt ərazisində dam örtüyü yenilənən binaların siyahıya alınması həyata keçirilib, daha sonra bu işləri keyfiyyətli yerinə yetirə biləcək podratçı şirkətlər  dəqiqləşdirilib.Hazırda paytatxt rayonlarında  380 -9 mərtəbəli binanın  dam örtüyünün yenilənməsi işlərinə start verilib ki, bu işlərədə Nizami və Suraxanı rayonlarından başlanılıb.

Binaların köhnə dam örtükləri sökülərək, sıradan çıxmış, çürümüş hissələri dəyişdirilir, damda suyun axıdılması üçün maililik qurulur, yeni örtük qatı çəkilir. Həmçinin mövsümlə əlaqədar olaraq dam örtüyü yenilənən binaların damlarında  navalçalar  yenilənir, tüstü bacaları təmir olunur və təmizlənir. Sakinlər bildirirlər ki, binaların dam örtüyünün təmirə ehtiyacı olduğu üçün illər idi ki, yağış yağanda yuxarı mərtəbələrdəki mənzillər  zərər görürdü.

Sərəncamın icrası  ilə  əlaqədar  olaraq  yaradılmış komissiya hazırda dam örtüyü yenilənəcək bütün binalarda aparılacaq işlərə nəzarəti həyata keçirəcək, hər hansı  binada görülən işlər qənaətedici və keyfiyyətli  olmadığı halda isə həmin binanın dam örtüyünün yenilənməsi podratçı şirkət tərəfindən yenidən icra olunacaq

Xatırladaq  ki, Prezidentin sərəncamı ilə paytaxtda 380 çoxmənzilli binanın dam örtüyünün təmiri məqsədilə Azərbaycan Respublikası Prezidentinin ehtiyat fondundan Bakı Şəhər İcra Hakimiyyətinə 10,0  milyon manat vəsait ayrılıb.

RƏŞAD VƏKİLOĞLU SPACE TV

Paylaş

 Xəbəriniz olsun