Övladını zəncirləyən ana

  • SpaceTV
  • 22 Avqust 2019 15:49

Space TV yazır ki, bəzi kütləvi informasiya vasitələrində azyaşlı uşağın valideyni tərəfindən zəncirlə bağlanması barədə məlumatlar dərc olunmuşdu. Bakı şəhər prokurorluğundan verilən məlumata görə, həmin fakt üzrə aparılmış araşdırmalar nəticəsində 2010-cu il təvəllüdlü uşağın anası İsmayılova Şəhanə Məhərrəm qızı tərəfindən kirayədə yaşadıqları Nəsimi rayonu, Cavadxan küçəsi, 56 saylı evin 91-ci mənzilində nadinc hərəkətlər etdiyinə görə ayağından zəncirlə bağlamaqla qanunsuz azadlıqdan məhrum edilməsinə əsaslı şübhələr olduğundan faktla əlaqədar ötən gün Bakı şəhər prokurorluğunda Cinayət Məcəlləsinin 145.2.3-cü qanunsuz azadlıqdan məhrum etmə, yetkinlik yaşına çatmayan şəxs barəsində törədildikdə  maddəsi ilə cinayət işi başlanıb. İş üzrə hadisə yerinə baxış keçirilməklə maddi sübutlar götürülüb.

Hadisənin şahidləri müəyyənləşdirilərək dindirilib, tibbi və məhkəmə psixoloji ekspertizaları təyin edilib. Hazırda iş üzrə zəruri istintaq-əməliyyat tədbirləri davam etdirilir.

Paylaş

 Xəbəriniz olsun