Operativ Qərargahın məhdudlaşma qərarı repetitor fəaliyyətinə şamil edilmir

  • Space TV
  • 16 Oktyabr 2020 12:02

“Operativ Qərargahın qərarı repetitor fəaliyyətinə şamil edilmir”.

Spacetv.az-ın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Təhsil naziri Emin Əmrullayev bildirib.

Təhsil naziri deyib ki, hazırda iqtisadi fəaliyyətə təsir edən addımlar atılmayıb: “Repetitor fəaliyyəti də müvafiq qaydalara əməl edilərək davam etdirilərsə, onların fəaliyyətində hər hansı problem olmaz”.

TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva bildirib ki, təhsil kursları ilə bağlı bəlli tələblər var: “Kurslarda daha çox yuxarı sinfilərin şagirdləri iştirak edir. Həmin uşaqların maska taxmasına, qaydalara riayət etməsinə nəzarət etmək də daha asandır”.

Paylaş

 Xəbəriniz olsun