Məktəblilərə bayram sürprizi

  • SpaceTV
  • 16 Sentyabr 2019 15:06

Dərsdən çıxıb metroya daxil olurlar, xoş sürprizlərlə qarşılaşırlar. Bu il ilk dəfə məktəbə qədəm qoyan kiçik yaşlı sərnişinlərə sürpriz edilib. Metropoliten əməkdaşları dərsdən çıxıb metroya daxil olan şagirdləri qarşılayıb, onlara hədiyyələr təqdim edib. Aksiya metronun “İçərişəhər” stansiyasında baş tutub.

Bu gün Azərbaycanda Bilik Günü qeyd olunur və ölkəmizin bütün təhsil ocaqlarında yeni tədris ili başlanır. Ənənəsinə sadiq qalan “Bakı Metropoliteni” QSC bu dəfə də birinci sinifin partası arxasına əyləşən kiçik yaşlı sərnişinlərinə sürpriz edib.Birincilər üçün xüsusi əlamətdar gündə metro stansiyalarının platformaları və vestibüllərində, eləcə də qatarlarda keçirilən aksiyanın məqsədi metro istifadəçisi olan və metropolitenin daimi sərnişinlərinə çevrilən məktəbliləri təbrik etmək, onlara dərs ilində uğurlar arzulamaq və kiçik hədiyyələri təqdim etmək olub. Metropolitenin bir qrup əməkdaşı əvvəlcə “28 May” stansiyasının əsas vestibülündə, daha sonra stansiya platformasında ilk dərsdən sonra stansiyaya daxil olan birinci sinif şagirdlərini qarşılayaraq, onların ilk dərs günü ilə bağlı təəssüratlarını soruşub, arzu və diləklərini çatdırıb, tövsiylərini veriblər.Daha sonra metropolitençilər təbrik aksiyasını qatarlarda və digər stansiyalarda davam etdiriblər.Layihə sərnişinlər tərəfindən ovqatı yüksəldən hal kimi rəğbətlə qarşılanıb.

Tədbir musiqili proqram, şagirdlərin görüşünə gələn cizgi filmi personajlarının əyləncəli oyunları ilə davam etdirilib.

Nərgiz Ərəstunqızı Space

Paylaş

 Xəbəriniz olsun