Məcburi köçkünlərə qayğı

  • SpaceTV
  • 9 Oktyabr 2019 17:53

       İllərlə çəkdiyi ağrı- acı , çətinlik geridə qaldı,  xəyalları bircə anda  gerçək oldu.Əslən Laçın rayonun olan məcburi köçkün  Gülarə Cabbarova  27 il  iki övladı ilə şəratisiz və darısqal evdə yaşayıb. Geniş, şəraitli  mənzildə  yaşamaq arzusunun nə vaxtsa reallaşacağına hər zaman inanıb. Belə demək mümkünsə,  xoşbəxtlik gec gəlsədə, güclü gəlib. Həm dördotaqlı mənzilə sahiblənib , həm də  ilk qonağı dövlət başçısı və xanımı  olub.Gülarə xanım  ailənin tək başçısıdı. Həyat yoldaşı  Xocalı uğrunda gedən döyüşlərdə şəhid olub. Gənc yaşlarından  dul qalan və iki oğul övladını   tək böyüdən  xanımın  oğullarından biri ailəlidir. Dövlət başçının  şəhid ailələrinə birdəflik 11 min manat vəsaitin verilməsi ilə bağlı  verdyi fərmana   uyğun olaraq  Gülarə xanım da  vəsait alıb və indi digər  oğluna   toy etməyi  planlayır.  Elə  görüşdə  dövlət başçısını  da xeyir işə dəvət etməyi  unutmayıb.Cabbarovlar  ailəsinin  sevincinə butun əzizləri  şərikdilər  və dövlət başçısına  minnətdardılar. Onu  deyək ki, “Qobu Park-2” yaşayış kompleksində ümumilikdə  1300 mənzil var. Mənzillər  bir, iki, üç və dörd otaqdan ibarətdir  və zəruri inventarla təchiz edilmiş vəziyyətdədir.

BƏTÜRƏ NƏBİYEVA SPACE TV

Paylaş

 Xəbəriniz olsun