Lənkəranda baş verən avtoqəzada yaralanların mərkəzi rayon xəstəxanasında müalicəsi davam edir

  • SpaceTV
  • 29 Avqust 2019 17:17

Lənkəranda baş verən avtoqəzada yaralanların beşinin mərkəzi rayon xəstəxanasında müalicəsi davam edir.

Ötən gün Lənkəran rayonunun Bəliton kəndində baş vermiş ağır yol-nəqliyyat hadisəsi baş verib. Kənd sakini Ağayev Ələmdar Şavəli oğlunun idarə etdiyi, PAZ markalı 43-BA-455 dövlət nömrə nişanlı avtobusu yüksək dağlıq ərazidə yolsuzluq və qapalı şəraitdə fərdi yaşayış evinin həyətinə aşıb. Sürücü hadisə zamanı ölüb. Avtobusda olan 22 nəfər sərnişin xəsarət alıb.

Səhiyyə Nazirliyi Lənkəranda baş verən yol nəqliyyat hadisəsində xəsarət alanların son durumu ilə bağlı məlumat yayıb. Nazirliyin mətbuat xidmətindən  bildirilib ki, Lənkəran Mərkəzi Rayon Xəstəxanasında hazırda 5 nəfərin müalicəsi davam edir. Onlardan biri reanimasiya, digər 4 nəfər isə travmatologiya şöbəsində müalicə alır.

Paylaş

 Xəbəriniz olsun