Lənkəranda 8103-ə yalan mesaj yazaraq futbol oynamağa gedən şəxslər cərimələndi.

  • Space TV
  • 17 Aprel 2020 14:02

Ölkə ərazisində elan edilmiş xüsusi karantin rejiminin tələblərini pozaraq məsuliyyətsiz davranış sərgiləyən, həmçinin icazə sistemindən sui-istifadə edən şəxslər saxlanılıb. Belə ki, Lənkəran Şəhər Rayon Polis Şöbəsi tərəfindən karantin qaydalarını pozan bir neçə şəxs müəyyən edilərək inzibati qaydada cərimələniblər. 8103 nömrəsinə həqiqətə uyğun olmayan müraciətlər edərək epidemiya əleyhinə rejimin qaydalarını pozan 6 nəfər Lənkəran şəhər sakininin Nəsimi küçəsində futbol oyunu təşkil etdikləri aşkarlanıb. Həmin şəxslər Lənkəran Şəhər Rayon Polis Şöbəsinə  gətirilib və hər biri barəsində İnzibati Xətalar Məcəlləsinin müvafiq maddəsi ilə protokol tərtib edilərək 100 manat məbləğində cərimə olunublar.

Rövşən Almazoğlu SPACE TV

Paylaş

 Xəbəriniz olsun