Koronovirusdan ölən şəxslər bu qaydalarla dəfn olunur

  • Space TV
  • 24 Aprel 2020 17:16

Azərbaycanda koronovirusdan ölən şəxslərin  dəfn qaydaları açıqlanıb. Öncə ölən şəxsin xəstəxanadan morqa gətirilməsində iştirak edən məsul şəxslərə dünyasını dəyişənin COVID-19 xəstəliyindən  öldüyü barədə məlumat verilir. Daha sonra həmin şəxslər  xüsusi fərdi mühafizə geyimləri ilə təmin olunurlar.

Səhiyyə Nazirliyinin Məhkəmə tibbi Ekspertiza və Patoloji Anatomiya birliyinin baş direktoru Ədalət Həsənov deyir ki, koronovirusdan ölən şəxslərin yuyulmasında iştirak edən morq işçiləri də fərdi qoruyucu vasitələrdən uzunboğaz əlcək, N95 maska, eynək və uzun önlük  geyinirlər. Meyid  yuyulduqdan  sonra  bütün istifadə olunan  vasitələr tibbi tullantı qabına atılır

Meyid  islam qaydalarıan uyğun olaraq  yuyulub xüsusi qaydada büküldükdən  sonra hüquq mühafizə orqanlarının iştirakı ilə ölən şəxsin yaxınlarına təhfil verilir.

Ədalət Həsənov Azərbaycanda koronovirusdan ölən şəxslər üçün xüsusi qəbiristanlığın salınmadığını və həmin şəxslərin tabutla birlikdə dəfn olunması xəbərinin həqiqəti əks etdirmədiyini bildirdi

Məlum olduğu kimi ölkəmizdə bu günə kimi koronovirus xəstəliyindən 21 nəfər dünyasını dəyişib.

RƏŞAD VƏKİLOĞLU SPACE TV

Paylaş

 Xəbəriniz olsun