İtaliyanın Roma və Piza şəhərlərində Dövlət Bayrağı Günü ilə əlaqədar tədbir keçirilib – FOTO

  • Space TV
  • 9 Noyabr 2020 15:18

İtaliya – Azərbaycan Birliyinin təşəbbüsü ilə 9 Noyabr – Dövlət Bayrağı Günü ilə əlaqədar İtaliyanın Roma və Piza şəhərində tədbir keçirilib. 

Spacetv.az xəbər verir ki, bu barədə Diasporla İş üzrə Dövlət Komitəsi məlumat yayıb.

İtaliyada təhsil alan azərbaycanlı gənclərin iştirakı ilə təşkil olunan tədbirlərdə Azərbaycan dövlətinin suverenliyinin rəmzi olan üçrəngli bayrağın Azərbaycanın işğal olunmuş torpaqlarında yenidən dalğalanmasının dünyada yaşayan azərbaycanlılara sevinc və fərəh hissi bəxş etdiyi vurğulanıb. 

Roma şəhərində “The Fontana della Dea Roma” meydanında italiyalı musiqiçilərin müşayiətilə “Ay Laçın” mahnısını ifa edən gənclər şəhər sakinlərinin diqqətini çəkiblər.  

Tədbir iştirakçıları işğalçı Ermənistan ordusunun hərbi təxribatlarına, Azərbaycanın dinc əhalisinə qarşı törətdiyi vandalizm aktlarına, münaqişə bölgəsindən uzaqda yerləşən günahsız insanların, körpə uşaqların qətlə yetirilməsinə, mülki obyektlərin dağıdılmasına dair hazırlanan məlumatverici lövhələr, plakatlar vasitəsilə Qarabağ həqiqətlərini İtaliya cəmiyyətinin diqqətinə çatdırmağa çalışıblar.

Gəncə və Bərdə şəhərlərində, eləcə də, digər yaşayış məntəqələrində erməni terrorunun qurbanı olmuş şəxslərin xatirəsi yad edilib.

Paylaş

 Xəbəriniz olsun