Honq-Konqda üsyanlar 4 aydır davam edir – Maska qadağan olundu

  • SpaceTV
  • 4 Oktyabr 2019 15:51

Honq-Konq lideri Kerri Lam təşkil etdiyi mətbuat konfransında nümayişçilərin maska taxmalarına qadağa qoyduğunu açıqlayıb.

SPACE TV xarici mediaya istinadən xəbər verir ki, Lam insanların Honq-Konqun bir daha əvvəlki vəziyyətinə qayıdıb-qayıtmayacağını soruşduqlarını və şiddəti dayandırmaq məcburiyyətində olduqlarını deyib. O, maska qadağasının şiddətə üz tutan nümayişçilərə və üsyançılara qarşı olduğunu deyib:

“Radikal davranışlar baxımından effektli bir qərar olacaq. Honq-Konq təcili bir vəziyyət içində deyil, amma geniş və ciddi bir təhlükə ilə qarşı-qarşıyadır”.

Bundan öncə Honq-Konqda minlərlə maskalı şəxs “Maska taxmaq istəyirəm”, “Maska taxmaq cinayət deyil” sloqanları ilə yürüş keçirmiş, yollarda sıxışıb qalan avtomobillərin sürücüləri də siqnal verərək üsyanı dəstəkləmişdilər.

Paylaş

 Xəbəriniz olsun