Hadrut “meri”ndən acı etiraf: “Araikin ən yaxınları fərarilik etdi”

  • Space TV
  • 9 Mart 2021 15:57

İşğaldan azad edilmiş Hadrut qəsəbəsinin keçmiş “meri” Vaqan Savadyan Qarabağdakı erməni separatçılarının rəhbəri Araik Arutyunyanın yaxın ətrafının müharibə zamanı fərarilik etdiyini açıqlayıb.

Bu barədə “Telegram”ın Ermənistan seqmentində informasiya yayılıb.

Onun sözlərinə görə, nə Kamo Ağacanyan (qondarma qurumun “milli təhlükəsizlik xidmətinin rəhbəri”), nə İvan Avanesyan (“deputat”), nə də onların adamları hətta əhalinin təxliyəsində belə təşkil etməyiblər.

V.Savadyan həmçinin erməni tərəfinin daha bir yalanını ifşa edib və bununla da hərbi əməliyyatların gedişi zamanı ordunun düşdüyü aciz vəziyyətdən çıxış yolu kimi saxta təbliğata əl atıldığını bir növ etiraf edib.

O, qeyd edib ki, müharibə zamanı onunla Araik Arutyunyanın mətbuat katibi Vaqram Poqosyan əlaqə saxlayıb və müsahibə verərək Azərbaycan ordusunun Hadrutu erməni işğalından azad etdiyini xəbərini təkzib etməsini istəyib. Buna cavab olaraq V.Savadyan V.Poqosyana populizmlə məşğul olmamağı məsləhət görüb.

Paylaş

 Xəbəriniz olsun