Görünməmiş qəza- 5 ölü 7 yaralı

  • Space TV
  • 5 May 2020 16:33

yol qəzasında ölən qardaşlarını son mənzilə yola salmağa gedirdilər. Lakin getdikləri yerə çatmamış özləri son mənzilə yola salındı. Qardaş yasına gedən bacılar eyni vaxtda eyni yerdə eyni qəzanın qurbanı oldu bacılar.  Söhbət bir ailənin 4 üzvü olmaqla ümumilikdə 5 nəfərin ölümü 7 nəfərin isə yaralanması ilə nəticələnən qəzalardan gedir.

Dünən gecə qəza nəticəsində  59 yaşlı Camal Kərimov həyatını itirdi. Onun dəfninə tələsən yaxınlarını da qəza qarşıladı.  Camal kərimovun qardaşı 54 yaşlı Abbas Kərimovun idarə etdiyi avtomobil başqa bir maşınla toqquşddu. Qəza nəticəsində qardaşlarının dəfninə tələsən iki bacısı  48 yaşlı Kərimova Mehbarə 46 yaşlı Aygün Kərimova və Avtomobili idarə edən Abbas Kərimovun oğlu  12 yaşlı Qorxmaz Kərimov  və ailənin yaxını Aylin Həsənova həyatını itirdi. Digər bacı Kərimova Reyhan və  onların yaxını 9 yaşlı Arzu Hətəmova yaralanıb. Qəzanın ağır nəticələri bununla da bitmir.

Abbas Kərimovun toqquşduğu avtomobildə olan ailə də bu dəhşətli hadisədən öz  acı paylarını aldılar.  37 yaşlı Ceyhun piriyev, onun həyat yoldaşı 34 yaşlı Şəfa Piriyeva, və onların iki  övladı, 11 yaşlı Kənan və 3 yaşlı Sabir aldıqları xəsarətlərlə Xəstəxanaya yerləşdiriliblər.Lakin təəssüflər olsun ki, balaca  Sabir  də bu qorxunc qəzanın qurbanı oldu və gözlərini həyata əbədi yumdu.

Bu, təkcə qəzadan zərər çəkən ailələrin faciəsi deyil. Eşidin bilən hək kəs bu qorxunc qəzadan danışır. Yerdəki qan, qardaşının dəfninə tələsən digər qardaşın  indi bacılarının meyitinə baxması, Hələ  danışmağa təzə başlayan 3 yaşlı Sabirin həyatla vidalaşması yəqinki qəzanın dəhşətini az da olsa ifadə edə bilir.

Əks istiqamətdən gələn bu avtomobillərin hansı şəraitdə toqquşmasıvə qəzanın səbəbləri aparılan araşdırmalardan sonra bilinəcək

Paylaş

 Xəbəriniz olsun