Gəncədə və Ağdaşda oğurluq edən şəxslər tutuldu

  • Space TV
  • 6 Yanvar 2021 12:36

Gəncədə evdə oğurluq hadisəsi baş verib.

Bu barədə Spacetv.az-a Daxili İşlər Nazirliyinin (DİN) Mətbuat xidmətindən məlumat verilib.

Belə ki, Nizami (Gəncə) Rayon Polis Şöbəsi (RPŞ) əməkdaşlarının keçirdikləri əməliyyat-axtarış tədbirləri nəticəsində yanvarın 4-də şəhər ərazisindəki evlərin birindən 100 manat və 900 ABŞ dolları oğurlamaqda şübhəli bilinən Gəncə şəhər sakini T.Heydərova saxlanılıb.

Bundan başqa, Ağdaş RPŞ əməkdaşlarının keçirdikləri əməliyyat-axtarış tədbirləri nəticəsində yanvarın 5-də şəhər ərazisində xətt avtobusunda Mürsəl kənd sakini G.Əliyevanın çantasından içərisində 338 manat və sənədlər olan pulqabısını oğurlamaqda şübhəli bilinən Samux rayon sakini S.Həsənova saxlanılıb.

Faktla əlaqədar Ağdaş RPŞ-də Cinayət Məcəlləsinin 177-ci (oğurluq) maddəsi ilə cinayət işi başlanıb.

Paylaş

 Xəbəriniz olsun