Gəncədə anti-sanitar şəraitdə gizli fəaliyyət

  • SpaceTV
  • 21 May 2020 15:14

Çirkli, anti-sanitar torbalara yığılan su şüşüləri, yararsız vəziyyətdə olan su çənləri, üfunətli verən vannalar. Bu görüntülər Gəncədə bir limonad istehsalı ilə məşğul olan müəssisədəki vəziyyəti aydın göstərir.  Azərbaycan Qida Təhlükəsizliyi Agentliyininin Gəncə Regional Bölməsinin əməkdaşları tərəfindən keçirilən reyd zamanı məhz bu acınacaqlı vəziyyət aşkarlanıb. Şəhərin Məhsəti qəsəbəsində Verdiyev Balakişi Mürsəl oğluna məxsus “Üç Bulaq” adı altında hazırlanan limonad məhsullarının heç bir gigyenik tələblərə cavab vermədiyi, adi sanitar norma və tələblərdən uzaq  hazırlandığı ortaya çıxdı. O da məlum oldu ki, limonad şüşləri məişət tullantılarının atıldığı ərazilərdən  yığılır və bu sexdə yuyularaq yenidən sitehsala buraxılır.

Gizli bir həyətdə, olduqca qapalı şəraitdə  istehsal edilən  bu limonadların gündəlik istehsal gücü təxminən 800- ədəd rəşkil edir. Bu cür üzdəniraq sərinlədiricilərin artıq şəhərin müxtəlif ticarət mərkəzləri və marketlərə paylanıldığı da bəlli olub. AQTA-nin əməkdaşları tərəfindən bu limonadların satışdan çıxarılması prossesinə başlanılıb. Bundan əlavə limonadların hazərlanmasında istifadə edilən qida əlavələri Qida Təhlükəsizlik İnistitunun müvafiq labaratoriyalarında müayinədən keçiriləcək. Reyd zamanı limonad sexinin fəaliyyəti dayandırılıb və avadanlıqlar öhürlənib.

Zakir Muradov SPACE TV

Paylaş

 Xəbəriniz olsun