Evdən oğurluq edən şəxs yaxalanıb

  • SpaceTV
  • 10 Oktyabr 2019 15:27

Ataların bir sözü var ki, “Artıq tamah baş yarar”. Bəli, tamah bəzən insanın həyatını qaraldır, bəzən də onu dəmir barmaqlıqlar arxasına göndərir. Nəfsinin qurbanına çevrilən hal Göyçayda yaşanıb. Evə girib, külli miqdarda pul oğurlayıb. Bəs oğrunun sonrakı taleyi necə olub, gəlin bir yerdə izləyək!Göyçayda evdən pul oğurlayan şəxs saxlanılıb. Rayon Polis Şöbəsinə ərizə ilə müraciət edən rayon sakini yaşadığı evdən naməlum şəxs və ya şəxslər tərəfindən 4900 ABŞ dollarının oğurlanması barədə məlumat verib.
Daxil olan müraciət əsasında polis əməkdaşları tərəfindən hadisə yerinə baxış keçirilib. Keçirilmiş təxirəsalınmaz əməliyyat-istintaq tədbirləri nəticəsində həmin pulu oğurlayan şəxsin rayonun Çaxırlı kənd sakini Elməddin Vahidov olduğu müəyyən edilib və şübhəli şəxs qismində saxlanılıb. İlkin ifadəsində o, törətmiş olduğu cinayət əməlini etiraf edib və oğurladığı pulları öz əyləncəsi üçün xərclədiyini bildirib.
Faktla bağlı E.Vahidov barəsində RPŞ-nin İstintaq bölməsində cinayət işi başlanılıb.

 Faktla bağlı zəruri bilinən əməliyyat-istintaq tədbirləri davam etdirilir.

 VAHİD  FƏXRİ SPACE TV

Paylaş

 Xəbəriniz olsun