Ermənistan ordusuna yararsız mərmi satan “silah baronu” həbs edildi

  • Space TV
  • 1 Fevral 2021 14:00

Ermənistan Milli Təhlükəsizlik Xidməti Müdafiə Nazirliyinə köhnə və yararsız top mərmiləri tədarükündə günahlandırılan biznesmen David Qalstyanın (“Patron Davo” kimi tanınır) saxlandığını açıqlayıb.

Bu barədə qurumun mətbuat xidməti məlumat yayıb.

Xaricdə qeydiyyatdan keçən bir şirkətin idarə heyətinin sədri olan David Qalstyan həmin şirkətin direktoru A.B. ilə əvvəlcədən əlbir olaraq külli miqdarda vəsaitin mənimsənilməsi üçün Müdafiə Nazirliyi ilə 1983-1986-cı il istehsalı olan toplar üçün mərmi tədarükü barədə müqavilə bağlayıb. Lakin bağlanmış müqavilənin tələblərinə cavab verməyən, daha dəqiq desək, 1977-ci ilin Çexiya topları üçün mərmilər tədarük edilib.

“Taktiki və texniki xüsusiyyətlər baxımından çatdırılan mərmilər nəzərdə tutulanlardan xeyli geri qalıb. Bu mərmilərlə döyüş tapşırıqlarını yerinə yetirmək mümkün olmayıb. Müqavilə nəticəsində D.Q-nın şirkəti 523 milyon dram (təxminən 1.08 milyon dollar) əldə edib”, – deyə qurumdan bildirilib.

Paylaş

 Xəbəriniz olsun