Erməni dilini öyrənmək istəyənlər üçün dərs vəsaiti buraxılıb

  • Space TV
  • 6 Yanvar 2021 13:58

Beynəlxalq Münasibətlərin Təhlili Mərkəzi həm kurslarda tədris vəsaiti kimi istifadə olunması, həm də fərdi olaraq bu dili öyrənmək istəyənlər üçün Hatəm Cabbarlının müəllifliyi ilə “Erməni dili” müstəqil tədris üçün vəsait nəşr etdirib.

Bu barədə Spacetv.az-a Beynəlxalq Münasibətlərin Təhlili Mərkəzindən məlumat verilib.

Erməni dilini sərbəst öyrənmək istəyənlər vəsaitdən yararlana bilərlər. Bu nəşrdə erməni dili beş hissə və 32 dərsdən ibarətdir. Dərs vəsaitində mövzulara uyğun olaraq 182 çalışma, 54 oxu mətni və onlara aid lüğət verilib.

Beynəlxalq Münasibətlərin Təhlili Mərkəzi mütəmadi şəkildə erməni dili kurslarının təşkilini davam etdirir. Kurs siyasi elmlər doktoru Hatəm Cabbarlı tərəfindən tədris olunur.

Paylaş

 Xəbəriniz olsun