Düşmənin yaşayış məntəqələrimizə atdığı raketlər zərərsizləşdirildi – FOTO

  • SpaceTV
  • 30 Oktyabr 2020 10:43

28-29 oktyabrda Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabәdi, Ağdam, Bәrdә, Cәbrayıl, Füzuli, Goranboy, Tәrtәr rayonları әrazisinә mәrmilәrin düşmәsi barәdә Daxili İşlәr Nazirliyinin “102” Xidmәti – Zәng mәrkәzi sistemindәn 58 vә Fövqәladә Hallar Nazirliyinin Böhran Vәziyyәtlәrindә İdarәetmә Mәrkәzindәn üç müraciәt daxil olub.

Spacetv.az xəbər verir ki, bununla bağlı ANAMA məlumat yayıb. 

Bildirilib ki, daxil olmuş 61 çağırış әsasında Agentliyin xüsusi mobil çevik әmәliyyat qrupları tәrәfindәn Ağcabәdi rayonunun Hacılar, Palıdlı, Qaraxanlı, Yuxarı Qiyamәddinli kәndlәri, Ağdam rayonunun Çәmәnli, İkinci Yüzbaşlı, Alıbәyli, Әfәtli, Tәzәkәnd, Ayaq Qәrvәnd, Üçoğlan kәndlәri, Bәrdә rayonunun B.Hacıyev, Bakı, Koroğlu, Natavan, Ü.Hacıbәyov küçәlәri, H.Әliyev prospekti, Mirzalıbәyli kәndi, Cәbrayıl rayonunun Soltanlı kәndi, Füzuli rayonunun Әhmәdalılar, Alxanlı, Arayatlı kәndlәri, Goranboy rayonunun Tapqaraqoyunlu, Qızılhacılı kәndlәri, Tәrtәr rayonunun Buruc, Düyәrli, Köçәrli, Әlәsgәrli kәndlәri әrazisinә Daxili İşlәr Nazirliyinin әmәkdaşları ilә birlikdә 50 operativ vә tәxirәsalınmaz әmәliyyat çıxışı hәyata keçirilib. 

Aparılmış әmәliyyat-axtarış tәdbirlәri zamanı 1 әdәd 122 mm-lik top mәrmisi (OF-56), 1 әdәd 9N235 bombacığı, 2 әdәd 122 mm-lik raket (9M22U), 225 әdәd tank әleyhinә TM-62P2 minası, 224 әdәd MVP-62 partladıcısı vә 44 әdәd partlamış mәrmi qalıqları aşkar olunub.

Agentliyin partlayış qrupu tәrәfindәn 3 әdәd raket, 1 әdәd 9N235 bombacığı zәrәrsizlәşdirilib, Mina Tәhlükәsinә dair Maariflәndirmә üzrә mütәxәsisslәr tәrәfindәn 36 045 nәfәr mülkü şәxs arasında mina tәhlükәsizliyinә dair maariflәndirmә tәbliğatı aparılıb.

Paylaş

 Xəbəriniz olsun