Digahda yarımçıq qalan kanalizasiya xətti

  • SpaceTV
  • 8 Oktyabr 2019 15:12

Qəsəbədə Azərsu tərəfindən kanalizasiya xəttinin çəklişinə 2015 – ci ilin əvvəlində başlanılıb. Həmin vaxt iş icraçıları sakinlərə  lahiyənin ilin sonuna kimi başa çatacağını və qəsəbənin tam olaraq kanalizasiya xətti ilə təmin olacağını vədini versələrdə sözlərinə əməl etməyiblər.

Daha doğrusu qəsəbəyə kanalizasiya xətti çəkilsə də xəttin mənzillərə  birləşdirilməsi nədənsə unudulub. Hazırda qəsəbədə on bir min 156 sakin və 2600 təsərrüfat var ki, kanalizasiya çəkilərkən yalnız 30 faiz mənzil xəttə qoşula bilib.

Bu  ünvanda  yaşayan  sakinlər   kanalizasiya  xəttlərinin  olmamasına görə  şikayətçidirlər. Qəsəbə sakinləri deyirlər  ki,   yarımçıq qalan kanalizasiya xəttinə görə yağışdan  sonra  bütün  qurunt  suları  evlərin  həyətlərinə  və  zirzəmilərinə  dolur. Bəs yarımçıq qalan lahiyənin nə zaman başa çatacağı və Digah sakinlərin kanalizasiya probleminin nə vaxt   həll olunacağı sualını aidyyatı üzrə Azərsu ASC-nə  ünvanladıq.Qurumun mətbuat xidmətinin rəhbəri  Anar  Cəbrayıllı bildirdi ki, bakı ətrafı bəzi  kənd və qəsəbələrin kanlizasiya probleminin həlli üçün hazırda Pirşağı qəsəbəsi yaxınlığında gücü sutkada 40 min kubmetr olan müasir standartlara cavab verən təmizləyici qurğunun tikintisi aparılır və bu işlərin  gələn il başa çatması nəzərdə tutulub. Bununla da gələcəkdə  Digah  qəsəbəsi də daxil olmaqla  Bakının 11 kənd və qəsəbəsində yaranan qurunt suları və kanalizasiya suları toplanaraq bu qurğuya ötrüləcək. Sakinlərə yenə də səbr edib gözləmək qalır.

RƏŞAD VƏKİLOĞLU SPACE TV

Paylaş

 Xəbəriniz olsun