Danimarka ABŞ-ın ərazi iddialarına cavab verdi

  • Space TV
  • 3 Dekabr 2019 18:23

Danimarka Qrenlandiya adasının ABŞ-a satılması ehtimalı ilə bağlı məsələni qapalı sayır.

SPACE TV xəbər verir ki, bu sözləri Danimarkanın Rusiya Federasiyasındakı səfiri Karsten Senderqord deyib.

Daha əvvəl ABŞ Prezidenti Donald Tramp  dünyanın ən böyük adasını almaq haqda düşündüyünü bildirmişdi. Danimarka rəsmiləri Trampın açıqlamasını “absurd” adlandırdıqdan sonra, ABŞ Prezidenti bu ölkəyə rəsmi səfərini ləğv etdi.

Səfir K.Senderqord Donald Trampın Qrenlandiya ilə maraqlanmasını regionun əhəmiyyətinin artırılması ilə əlaqələndirib.

Səfir həmçinin hesab edir ki, Rusiya və Çinin Arktikada aktivliyi ABŞ-ın bölgəyə diqqətini artırıb.

Qeyd edək ki, Qrenlandiya adası Danimarkanın muxtar ərazisidir.

Paylaş

 Xəbəriniz olsun