Çuğundur yığımı aparılır

  • SpaceTV
  • 27 Sentyabr 2019 14:48

Son illər fermerlərimizin becərilməsinə get-gedə daha çox üz tutduğu bitkilərdən biri də çuğundurdur. Əsasən şəkər istehsalı üçün daim tələbatı böyük olan bu məhsulun artıq yerlərdə yığım müvsümü başlayıb.

Qərb bölgəsinin dağətəyi rayonlarında da  şəkər çuğundurunun yığımına başlanılıb. Artıq sahlərdən  məhsullar yığımına başlanılıb. Ölkənin  iri aqrar rayonlarından olan Göygöl rayonunda ümumən 360 (üç yüz altmış) hektardan artıq sahədə  şəkər çuğunduru əklib. Bu ötən illərlə müqayisədə bir qədər artıqdır. Hər hektardan  təxminən  70 (yetmiş)  tona yaxın  məhsul götürülməsi nəzərdə tutulur.

Qeyd edək ki, fermerlərin məhsullarını şəkər istehsalı müəssisəsi alır. Həmçinin  müəssisə məhsulu yığımınadək fermeri texnika toxum və gübrələrlə təmin edir. Ayrıca verilən məhsulun dəyəri onun şəkərlik faizinə görə qiymətləndirilir və  ödənilir. Keçən il çuğundur 14 faizdən yuxarı şəkərlik verərdisə onun bir tonu üçün 58 manat, hər artıq şəkərlik faizi üçün əlavə 2 manat pul ödənilirdi. Dövlət tərəfindən keçən il məhsulun hər tonu üçün əlavə olaraq 4 manat subsidiya da verildi. Gözləntilərə görə, bu il şəkərlik faizi daha yüksək olduğundan çuğundurun hər tonu üçün qiymət 65-70 manat arası olacaq. Çuğundur becərilməsində risk faizi də olduqca aşağı olur .

Əlavə edək ki, Göygöl rayonunda 13 min 300 hektar (on üç min üç yüz hektar) əkinə yararlı torpaq sahəsi var. Bu torpaq sahələrindən 10 min hektarı suvarılandır. Bu il rayonda əkilən şəkər çuğunduru da məhz yaxşı suvarılan torpaqlarda aparılıb.

Zakir Muradov Nazim Quliyev Göygöl Space

Paylaş

 Xəbəriniz olsun