Corc Buşun bacısı koronavirusdan vəfat edib – FOTO

  • Space TV
  • 11 Yanvar 2021 09:54

ABŞ-ın 41-ci prezidenti olmuş ata Corc Buşun bacısı Nensi Ellis Buş vəfat edib.

Bu barədə Spacetv.az “The New York Times”a istinadən xəbər verir.

Onun koronavirusdan dünyasını dəyişdiyi bildirilir.

Nensi Ellis Buşun oğlu bildirib ki, anası Massaçusets ştatındakı qocalar evində dünyasını dəyişib. Nəşr qeyd edir ki, uzunömürlü qadın dekabrın 30-da yüksək hərarətlə xəstəxanaya yerləşdirilib. Onun koronavirus testi müsbət olub. Nensi Buşun oğlu anasının COVID-19-dan vəfat etdiyini təsdiqləyib. Qeyd edib ki, son günlər Nensi Ellis Buşun səhhəti ağırlaşıb.

Nensi Buş 1926-cı ilin fevralında doğulub. O, yeddi nəfərlik ailənin yeganə qız övladı olub.

Dünyada COVID-19-a ən çox yoluxma ABŞ-da qeydə alınıb. Birləşmiş Ştatlarda 22,2 milyon insanda təhlükəli infeksiya aşkarlanıb. ABŞ həm də koronavirusdan ölüm hallarının sayına görə dünyada birincidir.

Paylaş

 Xəbəriniz olsun