Çiyələyin indi yığım mövsümüdür

  • SpaceTV
  • 26 May 2020 17:19

Masallının Təzə Alvadı kəndində 20 hektar torpaqda çiyələk əkilib. İstixana şəraitində yetişdirilən çiyələk açıq sahədəkindən təxminən 10-15 gün tez yetişir. Hazırda  məhsulun 1 kq-mı 2 manat, 2 manat 50 qəpiyə təklif edilir  ki, bu da sərfəli qiymətdir.Xaricdən gətirilmiş çiyələk sortlarının hazır da sahələrdə  yığım vaxtıdı.

 Məhsuldarlığın artması, meyvələrin sulu və görkəmli olmasında suvarmanın da böyük rolu var. Bu baxımdan ərazidə artezian quyuları qazılaraq  təsərrüfatda müasir damcı suvarma sistemi qurulub. Ərazidə müasir texnologiya  əsasında qurulan saxlanma və soyudulma anbarları  məhsulun istehlakçıya keyfiyyətini itirmədən, təzə çatdırılmasına imkan yaradır.

Məhsul daxili bazarla yanaşı, Rusiyaya da göndərilir. Koronavirus pandemiyası ilə bağlı fermerlər çiyələk satışında bir problem yaşamayıblar.

Hazırda çiyələk gündəlik yığılır.  Quraq keçən iyun-iyul ayları istisna olmaqla, yığım sentyabrın sonuna kimi davam edəcək.

Rövşən Almasoğlu SPACE TV

Paylaş

 Xəbəriniz olsun