Çin iqtisadiyyatında sürpriz nəticə: Azalma yox, artım oldu

  • Space TV
  • 7 May 2020 14:20

Çin Gömrük İdarəsinin məlumatlarına görə, aprel ayında Çinin ixracatında sürpriz şəkildə artım müşahidə edilib.

SPACE TV  xəbər verir ki, aprel ayında ixracat keçən ilin eyni dövrünə nisbətən 3,5% artıb. İqtisadçılar Çinin ixracatında aprel ayında 15% azalma müşahidə ediləcəyini təxmin etmişdilər. Mart ayında ixracat 6,6% azalmışdı.

Aprel ayında idxal üzrə proqnoz 11,2% olsa da, 14,2% azalma olub. Mart ayında bu azalma sadəcə 0,9% idi.

Koronavirusun yarandığı ölkə olan Çində 2020-ci ilin ilk 4 ayında ixracatdakı azalma 6,8% olub. Aprel ayında ölkənin xarici ticarətində 4,34 milyard gəlir olub. Gözləntilər isə 6,35 milyard idi.

Paylaş

 Xəbəriniz olsun