Bred Pittin zarafatı Corc Klunini bütün şəhərə biabır edib

  • Space TV
  • 24 Noyabr 2020 15:23

Hollivud aktyoru Corc Kluni həmkarı və yaxın dostu Bredd Pittin zarafatının onu bütün şəhərdə necə biabır etməsindən danışıb.

Bu barədə GQ kanalı xəbər yayıb.

Bildirilir ki, hadisə “Ouşenin 12 dostu” filminin çəkilişləri zamanı baş verib.

Ulduzun sözlərinə görə, yaxın dostu onu bütün şəhərin gözü qarşısında təkəbbürlü biri kimi qələmə verib.

Belə ki, filmin çəkilişləri Kluninin uzun illər yaşadığı Komo şəhərində (İtaliya) baş tutub. Pitt dostu ilə əylənmək üçün bu yerlərdə tezliklə çəkiliş olacağı barədə şəhər boyu elanlar vurdurub və sakinlərə vərəqələr payladıb.

“Corc Kluniyə ancaq cənab Kluni kimi, yaxud da xarakterinin adı olan Denni Ouşen kimi müraciət edilməsi xahiş olunur. Və onun düz gözlərinin içinə baxmaq olmaz”, – deyə elanda bildirilib.

Bundan sonra yerli nəşrlər Kluninin “ulduz xəstəliyinə” tutulması ilə bağlı məqalələr dərc etməyə başlayıb.

Paylaş

 Xəbəriniz olsun